Surja El-Haxh 22:30 الحج

Këto që ju kemi urdhëruar (d.m.th. lirimin prej ihramit nëpërmjet rruarjes së kokës apo shkurtimit të flokëve, shkurtimin e thonjve, heqjen e papastërtive, mbajtjen e zotimeve dhe kryerjen e tavafit rreth Shtëpisë), janë detyrime që jua ka caktuar Allahu, prandaj madhërojini ato! Kush i shmang ato që ka ndaluar Allahu gjatë gjendjes së ihramit, nga respekti për kufijtë dhe për ndalimet që Ai ka caktuar, ta dijë se kjo do të jetë në të mirën e tij si në jetën e kësaj bote, ashtu edhe në botën tjetër, te Zoti i Lartësuar! O njerëz, janë lejuar për ju bagëtitë, siç janë devetë, lopët dhe dhentë. Prandaj nuk ka bagëti të ndaluara e të shenjtëruara, përveçse ato që i gjeni të përmendura në Kuran, si: ngordhësira, gjaku etj.. Kështu që largohuni nga ndyrësitë, që janë idhujt dhe largohuni nga fjalët e pavërteta e shpifëse, veçanërisht kur thuhen ndaj Allahut.