Surja Er-Ra'd 13:16 الرعد

Pyeti, o i Dërguar, jobesimtarët, të cilët bashkë me Allahun adhurojnë edhe të tjerë: “Kush i krijoi qiejt e Tokën dhe i drejton çështjet e tyre?!” Thuaju: “Allahu, pra, Ai është që i krijoi e i drejton çështjet e tyre dhe ju e pranoni diçka të tillë”. Pastaj pyeti, o i Dërguar: “Atëherë përse keni zgjedhur për veten tuaj mbrojtës të tjerë në vend të Allahut, kur ata janë të pafuqishëm për t'u vetëmbojtur a për t'i bërë vetes dobi?! Atëherë si do të munden që ta bëjnë këtë për dikë tjetër?!’ Pastaj thuaju, o i Dërguar: “Po, a mund të jetë i njëjtë jobesimtari mendjembyllur me besimtarin largpamës e të udhëzuar?!” Ose, a mund të jenë njësoj errësirat e mosbesimit me dritën e besimit?! Apo mos vallë ata mendojnë se Allahu i Lartësuar ka ortakë që kanë pjesë në krijim bashkë me Të e kësisoj idhujtarët nuk arrijnë t'i dallojnë krijesat e Allahut nga krijesat e idhujve të tyre?!” Thuaju, o i Dërguar: “Vetëm Allahu është Krijuesi i gjithçkaje e askush nuk është ortak me Të në krijim. Ai është i Vetmi Hyjni dhe i Vetmi që e meriton të adhurohet, Ai triumfon mbi gjithçka”.