Surja Er-Ra'd 13:17 الرعد

Allahu e sqaron shkërmoqjen e së kotës dhe mbetjen e së Vërtetës me shembullin e shiut që mbush luginat me rrëke uji, çfarëdo qofshin ato, të vogla a të mëdha. Rrjedha e ujit sjell me vete shkumë e gjëra të tjera (kryesisht të lehta), të cilat i mbanë mbi ujë. Po ashtu, Ai jep edhe një shembull tjetër sqarues për të vërtetën dhe të kotën, duke i krahasuar ato me disa nga metalet e çmueshme, që njerëzit i shkrijnë për t’i përpunuar, duke u dhënë forma të bukura që më pas t’i përdorin për zbukurim. Me shkrirjen e metalit zgjyra e pavlerë del e ikën dhe mbetet vetëm metali. Me këto dy shembuj të përshkruar, Allahu krahason të Vërtetën dhe të kotën. E kota është si fundërrinat dhe shkuma e dalë mbi sipërfaqen e ujit, apo si mbetja që hidhet nga shkrirja e metaleve të oksiduara, ndërsa e Vërteta është si uji i pastër, prej të cilit pihet, jep fryte, bar dhe kullota, apo si ajo që mbetet prej metaleve pas shkrirjes së tyre, nga e cila përfitohet. Ashtu siç solli këto dy shembuj, Allahu u sjell njerëzve edhe shembuj të tjerë, në mënyrë që t’u sqarohet atyre e Vërteta dhe e kota.