Surja Er-Ra'd 13:33 الرعد

Vallë, Ai që merret me furnizimin e të gjitha krijesave dhe është Mbikëqyrës i të gjithë shpirtrave për gjithçka që ata bëjnë, e të cilëve ka për t’ua dhënë atë që e meritojnë për to, e meritoka të adhurohet apo këta idhuj, të cilët nuk kanë asnjë meritë që të adhurohen? Idhujtarët, në mënyrë të padrejtë dhe të rreme, i konsideruan ata ortakë me Allahun. Thuaju atyre, o i Dërguar: - “Na tregoni, pra, me çfarë po i emërtokeni këta ortakë, që ju po i adhuroni bashkë me Allahun, nëse qenkeni të sinqertë në pretendimin tuaj, apo mos vallë po e vëni në dijeni Allahun për disa ortakë që janë në tokën e Tij e Ai nuk po e ditka këtë, apo po i emërtoni këta ortakë si të tillë vetëm me fjalë, ndërkohë që nuk ekzistojnë në të vërtetë?! Përkundrazi, ishte shejtani ai që ua hijeshoi mohuesve këtë logjikë të keqe, duke i bërë që ata ta mohonin Allahun e të devijonin prej Rrugës së Drejtë e udhëzimit. Mirëpo, atë që e lë Allahu në humbje, duke mos e udhëzuar në Rrugën e Arsyeshme, ai nuk do të gjejë asnjë udhëzues që do mund ta udhëzojë.