Surja Et-Tevbe 9:60 التوبة

Pasi e qortuan të Dërguarin e Allahut صلى الله عليه وسلم në ndarjen e lëmoshave, Allahu u sqaroi atyre se si duhen përdorur dhe kush i meriton ato, duke e shfajësuar të Dërguarin e Vet me fjalët:

Në të vërtetë, zekati shpërndahet vetëm në kategori të caktuara, të cilat janë: nevojtarët që fitojnë pak para prej profesionit a detyrës, mirëpo kjo nuk u del dhe gjendja e tyre nuk bie lehtë në sy; të varfrit që nuk zotërojnë thuajse asgjë dhe gjendja e tyre njihet për shkak se është e dukshme apo ngaqë lypin; mbledhësit e zekatit, të cilët i dërgon udhëheqësi; jobesimtarët që kërkohet t’u fitohet zemra për të pranuar Islamin, besimtarët e rinj që kërkohet t’u forcohet besimi ose ata që synohet të shpëtosh nga sherri i tyre; skllevërit, në mënyrë që të lirohen; borxhlinjtë, të cilët nuk kanë marrë hua për ta shpërdoruar apo për punë të ndaluara dhe që nuk gjejnë me çfarë ta shlyejnë atë; për përgatitjen e luftëtarëve që dalin në mbrojtje të Rrugës së Allahut; udhëtarët që kanë mbetur rrugëve pa para. Shpërndarja e zekatit kufizohet te këto kategori, sipas vendimit të Allahut. Ai e di më mirë se çfarë është në dobi të robërve të Vet dhe drejton e vendos me urtësi.