Tövbə surəsi 9:60 التوبة

Münafiqlər Peyğəmbəri (sallallahu aleyhi və səlləm) mal bölgüsündə nöqsan tutduqda, Uca Allah Peyğəmbərinə bəraət qazandıraraq, malın kimlər arasına bölünməyə layiq olduğu kimsələri Özü bəyan edərək belə buyurdu:

Vacib zəkatlar işi və ya müəyyən bir vəzifəsi olub, lakin öz maddi tələbatını ödəməyə kifayət etməyən və həmçinin ehtiyaclı olduğu insanlar arasında bilinməyən fəqirlərə, heç bir şeyə sahib olmayan, sözündən və zahiri görnüşündən ehtiyaclı olması insanlara arasında bilinən miskinlərə, zəkatı yığıb paylamaq üçün imam tərəfindən təyin etdiyi kimsələrə, qəlbləri İslam dininə isinişdirmək üçün və ya imanının qüvvətlənməsi məqsədi ilə verilən zəif imanlı, yaxud da ki, şərrindən qorunmaq üçün verilən kimsələrə, kölələrin azad olunmasına, israfçılığa yol vermədən və ya günah işləmək məqsədi olmadan borc alıb, qaytarmağa maddi imkanı olmayan borclulara, Allah yolunda cihad edən mücahidlərin maddi və texniki ehtiyaclarını təmin edilməsinə və pulu qurtarıb yarı yolda qalan müsafirlərə məxsusdur. Zəkatın yalnız bu kimsələrə məxsus edilməsi Allah tərəfindən təyin edilmiş bir fərzdir. Allah qulların mənfəətlərini daha yaxşı bilir. O, işlərində və şəri hökmlərində hikmət sahibidir.