Surja Hud 11:7 هود

Ai (Qoftë i Lartësuar!), i krijoi qiejt e Tokën në madhështinë e tyre, si dhe e krijoi gjithçka që është në to brenda gjashtë ditësh, ndërkohë që Arshi (Froni) i Tij para se t’i krijonte ato, qëndronte mbi ujë; (e pastaj Ai ju krijoi juve) në mënyrë që t’ju vërë në provë, o njerëz, se cili prej jush do të jetë më vepërmiri duke e kënaqur Allahun, si dhe kush prej jush është më vepërkeqi duke e zemëruar Atë. Dhe pas kësaj do t’i japë si shpërblim secilit atë që e meriton. Kur ti, o i Dërguar, u thua atyre: - “Ju do të ringjalleni, o njerëz, pas vdekjes tuaj, në mënyrë që të jepni llogari’, ata që nuk besojnë në Allahun dhe e mohojnë ringjalljen, do të të thonë: “Ky Kuran që ti po e lexon nuk është asgjë më shumë se një magji e hapur, është një e pavërtetë në kulmin e pavërtetësisë’.