Surja Muhammed 47:4 محمد

Nëse përballeni me ushtrinë e tyre mohuese, që janë ngritur kundër jush, këputuani qafat, derisa t’i shpartalloni e t’i mposhtni tërësisht. E, ata që mbesin të gjallë shtrëngojuani fort prangat, duke i zënë robër dhe pas kësaj, ju keni të drejtë të zgjidhni: ose t’i lironi me zemërgjerësi, pa kërkuar prej tyre asnjë shpërblim, ose t’i lironi kundrejt një kompensimi. Vazhdojeni luftën ndaj tyre, derisa jobesimtarët të dorëzohen ose të arrihet me ta armëpushim. Kështu pra, realizohet premtimi i Allahut mbi ta, që në këtë botë për ndëshkimin e tyre, para dënimit të tyre të përjetshëm në botën tjetër! Po të dojë Allahu, do t’i kishte mposhtur mohuesit, pa bërë besimtarët asnjë luftë. Por Allahu e vuri këtë dispozitë për t’ju vënë në sprovë me njëri-tjetrin, herë duke i dhënë fitore njërës palë e herë duke e ndihmuar palën tjetër, sipas urtësisë së Vet, ku secilit t’i jepet mundësia të shfaqë mirësinë apo ligësinë e vet. Sa u përket atyre që u vranë në Rrugë të Allahut, Allahu kurrsesi nuk ka për t’ua humbur veprat.