Mütəffifin surəsi

وَيۡلٞ لِّلۡمُطَفِّفِينَ ۝١

Çəkidə və ölçüdə aldadanların vay halına!

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ ۝٢

O kəslər ki, insanlardan (bir şey) alıb ölçdükləri zaman (onu) tam ölçərlər.

وَإِذَا كَالُوهُمۡ أَو وَّزَنُوهُمۡ يُخۡسِرُونَ ۝٣

Onlar üçün bir şey ölçdükləri və ya çəkdikləri zaman (onu) əskildərlər.

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ ۝٤

Məgər onlar (öldükdən sonra) diriləcəklərini zənn etmirlərmi?!

لِيَوۡمٍ عَظِيمٖ ۝٥

(Özü də) əzəmətli bir gündə.

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ ۝٦

O gün insanlar aləmlərin Rəbbi üçün (qəbirlərindən) qalxacaqlar!

كـَلَّآ إِنَّ كِتَٰبَ ٱلۡفُجَّارِ لَفِي سِجِّينٖ ۝٧

Xeyr! Günahkarların kitabı Siccindədir.

وَمَآ أَدۡرَىٰكَ مَا سِجِّينٞ ۝٨

Sən nə biləsən ki, Siccin nədir?!

كِتَٰبٞ مَّرۡقُومٞ ۝٩

O, yazılı bir kitabdır!

وَيۡلٞ يَوۡمَئِذٖ لِّلۡمُكَذِّبِينَ ۝١٠

O gün (Qiyaməti) yalan sayanların vay halına!

ٱلَّذِينَ يُكَذِّبُونَ بِيَوۡمِ ٱلدِّينِ ۝١١

O kəslər ki, Din gününü yalan sayarlar.

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ ۝١٢

Bunu həddi aşan günahkardan başqa heç kəs yalan saymaz.

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ ۝١٣

Ayələrimiz ona oxunduğu zaman: “Bu, keçmişdəkilərin əfsanələridir!”– deyər.

كـَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ ۝١٤

Xeyr! Onların qəlbini qazandıqları (günahlar) bürümüşdür.

كـَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ ۝١٥

Xeyr, o gün onlarla Rəbbi arasına pərdə çəkiləcəkdir!

ثُمَّ إِنَّهُمۡ لَصَالُواْ ٱلۡجَحِيمِ ۝١٦

Sonra onlar Cəhənnəmə girəcəklər.

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ ۝١٧

Sonra onlara: “Budur sizin yalan saydığınız (Cəhənnəm)!”– deyiləcəkdir.

كـَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ ۝١٨

Xeyr! Yaxşıların kitabı İlliyyundadır!

وَمَآ أَدۡرَىٰكَ مَا عِلِّيُّونَ ۝١٩

Sən nə biləsən ki, İlliyyun nədir?!

كِتَٰبٞ مَّرۡقُومٞ ۝٢٠

O, yazılı bir kitabdır!

يَشۡهَدُهُ ٱلۡمُقَرَّبُونَ ۝٢١

Ona, Allaha yaxın olanlar (mələklər) şahid olar.

إِنَّ ٱلۡأَبۡرَارَ لَفِي نَعِيمٍ ۝٢٢

Həqiqətən, yaxşılar nemət içində olacaqlar.

عَلَى ٱلۡأَرَآئِكِ يَنظُرُونَ ۝٢٣

Onlar taxtlar üstündə (əyləşib Allahın nemətlərinə) baxacaqlar.

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ ۝٢٤

Sən onların üzündə nemətlərin sevincini görəcəksən.

يُسۡقَوۡنَ مِن رَّحِيقٖ مَّخۡتُومٍ ۝٢٥

Onlara möhürlü (əl dəyməmiş) şərabdan içirdiləcəkdir.

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ ۝٢٦

Onun sonu müşkdür. Qoy yarışanlar onun üçün yarışsınlar!

وَمِزَاجُهُۥ مِن تَسۡنِيمٍ ۝٢٧

Onun qatışığı təsnimdəndir (təsnim bulağındandır).

عَيۡنٗا يَشۡرَبُ بِهَا ٱلۡمُقَرَّبُونَ ۝٢٨

O elə bir bulaqdır ki, ondan (Allaha) yaxın olanlar içərlər.

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ ۝٢٩

Günahkarlar (dünyada) iman gətirənlərə gülürdülər.

وَإِذَا مَرُّواْ بِهِمۡ يَتَغَامَزُونَ ۝٣٠

Onların (möminlərin) yanından keçdikdə bir-birinə qaş-göz edirdilər.

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ ۝٣١

Ailələrinin yanına qayıtdıqda (möminlərə istehza etdikləri üçün) fərəhlə qayıdırdılar.

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ ۝٣٢

Onları (möminləri) gördükdə isə: “Bunlar azmışlardır!”– deyirdilər.

وَمَآ أُرۡسِلُواْ عَلَيۡهِمۡ حَٰفِظِينَ ۝٣٣

Halbuki onlar möminlərə gözətçi göndərilməmişdilər.

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ ۝٣٤

Bu gün (Qiyamət günü) isə iman gətirənlər kafirlərə güləcəklər.

عَلَى ٱلۡأَرَآئِكِ يَنظُرُونَ ۝٣٥

Onlar taxtlar üstündə (əyləşib Allahın nemətlərinə) baxacaqlar.

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ ۝٣٦

Kafirlər etdikləri əməllərin cəzasını aldılarmı?!