Təkvir surəsi

إِذَا ٱلشَّمۡسُ كُوِّرَتۡ ۝١

Günəş büküləcəyi zaman;

وَإِذَا ٱلنُّجُومُ ٱنكَدَرَتۡ ۝٢

ulduzlar (sönüb yerə) töküləcəyi zaman;

وَإِذَا ٱلۡجِبَالُ سُيِّرَتۡ ۝٣

dağlar hərəkətə gətiriləcəyi zaman;

وَإِذَا ٱلۡعِشَارُ عُطِّلَتۡ ۝٤

boğaz dəvələr başlı-başına qalacaqları zaman;

وَإِذَا ٱلۡوُحُوشُ حُشِرَتۡ ۝٥

vəhşi heyvanlar bir yerə toplanacağı zaman;

وَإِذَا ٱلۡبِحَارُ سُجِّرَتۡ ۝٦

dənizlər alovlanacağı zaman;

وَإِذَا ٱلنُّفُوسُ زُوِّجَتۡ ۝٧

nəfislər (öz tayına) qovuşdurulacağı zaman;

وَإِذَا ٱلۡمَوۡءُۥدَةُ سُئِلَتۡ ۝٨

diri-diri (torpağa) basdırılmış qız (uşağı) soruşulacağı zaman –

بِأَيِّ ذَنۢبٖ قُتِلَتۡ ۝٩

hansı günaha görə öldürülmüşdür;

وَإِذَا ٱلصُّحُفُ نُشِرَتۡ ۝١٠

səhifələr (əməl dəftərləri) açılacağı zaman;

وَإِذَا ٱلسَّمَآءُ كُشِطَتۡ ۝١١

göy (yerindən) qopardılacağı zaman;

وَإِذَا ٱلۡجَحِيمُ سُعِّرَتۡ ۝١٢

Cəhənnəm alovlandırılacağı zaman

وَإِذَا ٱلۡجَنَّةُ أُزۡلِفَتۡ ۝١٣

Cənnət (möminlərə) yaxınlaşdırılacağı zaman;

عَلِمَتۡ نَفۡسٞ مَّآ أَحۡضَرَتۡ ۝١٤

hər kəs (bu gün üçün özünə) nə tədarük etdiyini biləcəkdir.

فَلَآ أُقۡسِمُ بِٱلۡخُنَّسِ ۝١٥

And içirəm (gecə çıxıb gündüz) batan ulduzlara,

ٱلۡجَوَارِ ٱلۡكُنَّسِ ۝١٦

seyr edib gizlənən səyyarələrə,

وَٱلَّيۡلِ إِذَا عَسۡعَسَ ۝١٧

qaralmaqda olan gecəyə,

وَٱلصُّبۡحِ إِذَا تَنَفَّسَ ۝١٨

açılmaqda olan səhərə!

إِنَّهُۥ لَقَوۡلُ رَسُولٖ كَرِيمٖ ۝١٩

Bu (Quran) möhtərəm bir elçinin (Cəbrailin) sözüdür.

ذِي قُوَّةٍ عِندَ ذِي ٱلۡعَرۡشِ مَكِينٖ ۝٢٠

(O elçi ki,) qüvvətlidir, Ərşin sahibi yanında (böyük) hörmət sahibidir.

مُّطَاعٖ ثَمَّ أَمِينٖ ۝٢١

Orada (mələklər arasında) itaət ediləndir, (vəhyi çatdırmaqda) etibarlıdır.

وَمَا صَاحِبُكُم بِمَجۡنُونٖ ۝٢٢

Sizin yoldaşınız (Muhamməd) dəli deyildir.

وَلَقَدۡ رَءَاهُ بِٱلۡأُفُقِ ٱلۡمُبِينِ ۝٢٣

O, (Cəbraili) aydın üfüqdə gördü.

وَمَا هُوَ عَلَى ٱلۡغَيۡبِ بِضَنِينٖ ۝٢٤

O, qeyb barəsində paxıl deyildir (qeybi xəbərləri sizdən əsirgəməz).

وَمَا هُوَ بِقَوۡلِ شَيۡطَٰنٖ رَّجِيمٖ ۝٢٥

Bu (Quran) daşqalaq olunmuş şeytanın sözü də deyildir.

فَأَيۡنَ تَذۡهَبُونَ ۝٢٦

Elə isə (ondan üz döndərib) hara gedirsiniz?

إِنۡ هُوَ إِلَّا ذِكۡرٞ لِّلۡعَٰلَمِينَ ۝٢٧

Bu (Quran), aləmlərə yalnız bir öyüd-nəsihətdir.

لِمَن شَآءَ مِنكُمۡ أَن يَسۡتَقِيمَ ۝٢٨

Sizlərdən doğru yolda olmaq istəyənlər üçün.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ۝٢٩

Aləmlərin Rəbbi olan Allah (doğru yolda olmağınızı) istəməyincə, siz istəyə bilməzsiniz!