Surja El-Bekare 2:143 البقرة

Dhe ashtu siç ju mundësuam të kishit një Kible, me të cilën Ne jemi të kënaqur, po ashtu, ju mundësuam që të bëheni edhe një popull i përzgjedhur, i drejtë dhe mesatar ndër gjithë popujt e tjerë -qoftë në besim, në adhurime e edhe në marrëdhënie ndërnjerëzore, në mënyrë që Ditën e Ringjalljes të jeni dëshmitarë për të dërguarit e Allahut, duke pohuar se ata e përcollën porosinë e Allahut në popujt e tyre. Edhe i dërguari Muhamed صلى الله عليه وسلم do të jetë dëshmitar për ju, që jua ka sjellë Mesazhin. Ne e ndryshuam kiblen e mëparshme, nga e cila ti drejtoheshe e që ishte Xhamia e Kudsit, vetëm që ta dimë – të provuar me fakte, pas së cilës vjen edhe shpërblimi – se kush është i kënaqur me atë që e ka ligjëruar Allahu, kush i nënshtrohet Atij dhe kush ndjek të Dërguarin. Por edhe që të dihet se kush është ai që largohet prej fesë dhe ndjek qejfet e veta e nuk i nënshtrohet ligjeve të Allahut. Çështja e ndryshimit të kibles së mëparshme është, vërtet diçka e madhe, por jo për ata që Allahu i begatoi me kuptimin e imanit, sepse kur Ai legjitimon diçka për robtë e Vet, e bën këtë për shkak të një urtësie supreme. Allahu nuk do t'ua humbte kurrë imanin tuaj, i cili është namazi, që e keni falur para se të bëhej ndryshimi i kibles. Allahu është i Butë dhe i Mëshirshëm me njerëzit: Ai nuk ua vështirëson veprat dhe nuk ua humb shpërblimin për veprat e tyre.