Surja El-Bekare 2:178 البقرة

O ju që e keni besuar Allahun dhe e ndiqni të Dërguarin e Tij! Është bërë detyrë mbi ju që të vini drejtësi në lidhje me ata që vrasin të tjerët qëllimisht dhe padrejtësisht, duke e ndëshkuar vrasësin me të njëjtën mënyrë, si krimi i tij. Atëherë, i liri vritet për të lirin që ka vrarë; robi vritet për robin që ka vrarë; gruaja vritet për gruan që ka vrarë. Por, nëse i vrari, para se të vdesë, e fal vrasësin, ose kujdestari i të vdekurit e fal vrasësin përkundrejt shpagimit (një pagesë standarde prej pasurisë që i paguhet familjes së viktimës nga ana e vrasësit të falur), me kushtin që falësi i gjakut, ta kërkojë kuotën e shpagimit prej vrasësit me mirësjellje dhe jo me fodullëk e përçmim, por edhe vrasësi ta bëjë shpagimin në mënyrën më të mirë, pa e zvarritur dhe pa e vonuar, pasi kjo falje gjaku dhe kjo marrje shpagese është një lehtësim prej Zotit tuaj dhe mëshirë për këtë ymet. Kush i rikthehet armiqësisë kundër vrasësit të penduar, pasi e ka falur dhe ia ka marrë shpagesën, do të ndëshkohet me dënim të dhembshëm prej Allahut të Lartësuar.