Surja Fatir 35:43 فاطر

Përkundrazi, këtë betim në Allahun ata nuk e bënë sepse kanë qëllim të mirë e synim të lartë, por e bënë (për t’iu kundërvënë hebrenjve e të krishterëve – të cilët e njësonin Allahun e u kundërviheshin idhujtarëve, si dhe) për të treguar arrogancë në Tokë dhe për të bërë një dredhi të shëmtuar (duke dëshiruar që me atë betim t’i mashtrojnë njerëzit e të tregojnë se ata janë më të mirët). Mirëpo dredhia e shëmtuar do t’u bjerë vetëm atyre që thurën atë. A mos vallë këta arrogantë e intrigantë presin diçka tjetër përveç ligjit të pandryshueshëm të Allahut me shkatërrimin e tyre, ashtu siç i pati shkatërruar të ngjashmit me ta prej të mëparshmëve të tyre?! E ti, o i Dërguar nuk ke për të gjetur në ligjin e pandryshueshëm të Allahut (me shkatërrimin e arrogantëve e intrigantëve) ndonjë ndryshim dhe as ndonjë devijim që t’ia lëshojë atë dikujt tjetri që nuk e ka bërë atë intrigë.