Leyl surəsi

وَٱلَّيۡلِ إِذَا يَغۡشَىٰ ۝١

And olsun (yer üzünü zülmətə) bürüməkdə olan gecəyə!

وَٱلنَّهَارِ إِذَا تَجَلَّىٰ ۝٢

And olsun (günəşin çıxması ilə) işıqlanmaqda olan gündüzə!

وَمَا خَلَقَ ٱلذَّكَرَ وَٱلۡأُنثَىٰٓ ۝٣

And olsun kişini və qadını (erkəyi və dişini) yaradana!

إِنَّ سَعۡيَكُمۡ لَشَتَّىٰ ۝٤

(Ey insanlar!) Sizin səyləriniz müxtəlifdir!

فَأَمَّا مَنۡ أَعۡطَىٰ وَٱتَّقَىٰ ۝٥

Kim (malını Allah yolunda) verər və (Allahdan) qorxarsa,

وَصَدَّقَ بِٱلۡحُسۡنَىٰ ۝٦

və ən gözəl olanı (Lə iləhə illəllah kəlməsini) təsdiq edərsə,

فَسَنُيَسِّرُهُۥ لِلۡيُسۡرَىٰ ۝٧

Biz onu ən asan olana (saleh əmələ) müyəssər edəcəyik.

وَأَمَّا مَنۢ بَخِلَ وَٱسۡتَغۡنَىٰ ۝٨

Kim də (malını Allah yolunda xərcləməyə) xəsislik edib, (Rəbbinə) ehtiyacı olmadığını güman etsə

وَكَذَّبَ بِٱلۡحُسۡنَىٰ ۝٩

və ən gözəl olanı (Lə iləhə illəllah kəlməsini) yalan hesab edərsə,

فَسَنُيَسِّرُهُۥ لِلۡعُسۡرَىٰ ۝١٠

Biz onu ən çətin olana (şər əmələ) müyəssər edəcəyik.

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ ۝١١

(Cəhənnəmə) düşdükdə var-dövləti ona fayda verməyəcək.

إِنَّ عَلَيۡنَا لَلۡهُدَىٰ ۝١٢

Şübhəsiz ki, doğru yola yönəltmək Bizə aiddir.

وَإِنَّ لَنَا لَلۡأٓخِرَةَ وَٱلۡأُولَىٰ ۝١٣

Sözsüz ki, Axirət də, dünya da Bizimdir.

فَأَنذَرۡتُكُمۡ نَارٗا تَلَظَّىٰ ۝١٤

(Ey insanlar!) Mən sizi alov saçan bir odla qorxutdum.

لَا يَصۡلَىٰهَآ إِلَّا ٱلۡأَشۡقَى ۝١٥

Ona ancaq ən bədbəxt kimsə (kafir) daxil olar.

ٱلَّذِي كَذَّبَ وَتَوَلَّىٰ ۝١٦

O kimsə ki, (haqqı) yalan sayar və (ondan) üz döndərər.

وَسَيُجَنَّبُهَا ٱلۡأَتۡقَى ۝١٧

Allahdan ən çox qorxan isə (o Oddan) uzaqlaşdırılacaqdır.

ٱلَّذِي يُؤۡتِي مَالَهُۥ يَتَزَكَّىٰ ۝١٨

O kimsə ki, malını (Allah yolunda) verir, (günahlardan) təmizlənir.

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ ۝١٩

Onun boynunda başqa bir kimsəyə əvəz veriləcək heç bir minnət yoxdur.

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ ۝٢٠

(O bunu) ancaq Ən Uca Rəbbinin Üzünü dilədiyindən (ixlasla) edər.

وَلَسَوۡفَ يَرۡضَىٰ ۝٢١

O, razı qalacaqdır!