Surja El-Ahzab 33:51 الأحزاب

Prej këtyre kategorive që u përmendën, o i Dërguar, ti mund të refuzosh kë të duash për të qenë bashkëshortja jote e mund të afrosh kë të duash prej tyre për të qenë e tillë, ashtu sikurse nuk është gjynah për ty që, ndonjërës prej grave me të cilat ti je i martuar, të mos i afrohesh dhe të zgjedhësh t’i afrohesh asaj që ti dëshiron. Madje edhe nëse ti dëshiron që të kthehesh përsëri tek ajo që kishe hequr dorë prej saj, kthimi yt tek ajo nuk është gjynah për ty, aq më tepër kur kjo ndihmon që ato të jenë të gëzuara e të mos dëshpërohen, pasiqë e dijnë mirë se ti nuk lë mangu ndonjë obligim. Allahu e di shumë mirë atë që gjendet në zemrat tuaja, o njerëz dhe se me të vërtetë Allahu është i Gjithëdijshëm dhe i Butë me ju. Ai është i Gjithëdijshëm për çdo gjë që ndodh mes burrave dhe grave të tyre, pa iu fshehur Atij asgjë prej tyre, si dhe i Butë ndaj tyre, duke u dhënë afat e mos i ndëshkuar, në mënyrë që ata të pendohen. *Meqë Kurani ka zbritur në vende, situata e periudha të ndryshme kohore gjatë jetës së Pejgamberit, renditja, lidhja dhe sistemimi i mahnitshëm hyjnor i vargjeve të zbritura në një afat kohor prej 23 vjetësh, e bën Kuranin një mrekulli, që nuk mund ta rrokë mendja e njeriut. Edhe pse sot ne e lexojmë me një frymë, ajeti në vijim tregon periudhë kohore mes ajeteve të zbritura: