Surja El-Kehf 18:21 الكهف

Ashtu siç realizuam me ta mrekulli të çuditshme, që tregojnë rreth fuqisë Sonë, si vënien e tyre në gjumë për vite të tëra dhe zgjimin e tyre pas kësaj, po ashtu bëmë që t’i zbulojnë edhe banorët e qytetit, në mënyrë që ta kuptonin se Premtimi i Allahut (për ndihmën e besimtarëve dhe ringjalljen) është i vërtetë dhe se Ora e Kiametit gjithsesi ka për të ardhur, e për të nuk ekziston asnjë dyshim. Ata që i zbuluan (shkuan atje dhe) e morën vesh të Vërtetën e (dëgjuar prej vetë) shokëve të shpellës dhe pasi ata vdiqën, ranë në kundërshtim me njëri-tjetrin në lidhje me atë se çfarë do të bënin me ta. Një pjesë prej tyre thanë: “Ndërtojuni në hyrje të shpellës një ndërtesë, që t’i mbulojë dhe mbrojë ata, pasi Zoti e di më mirë gjendjen e tyre, e nga ajo që duket është se ata janë të veçantë tek Ai. Ndërsa ata që ishin të pushtetshëm, por që nuk kishin dije e as drejtimin e duhur, thanë: “Le të ndërtojmë pikërisht në vendin e tyre një xhami (vendfalje), në mënyrë që të kryhen adhurime, në shenjë nderimi ndaj tyre, si dhe si përkujtim të pozitës që ata kishin (e kështu ranë në idhujtari me adhurimin e të vdekurve).”