Surja En-Nisa 4:46 النساء

Prej atyre, që i thonë vetes hebrenj, ka të tillë që e shtrembërojnë Fjalën e Allahut, duke e nxjerrë atë prej kontekstit dhe e interpretojnë atë ndryshe nga kuptimi, për të cilin Allahu e ka zbritur. Ata i thonë të Dërguarit صلى الله عليه وسلم , kur ai u jep ndonjë urdhër: E dëgjuam fjalën tënde, por e kundërshtojmë urdhrin tënd!” Dhe me përqeshje thonë: “Na dëgjo kur flasim, mos dëgjofsh!”. Dhe me thënien e tyre “Raina” hiqeshin sikur dëshironin kuptimin “Na e kushto vëmendjen tënde!”, por në fakt, dëshironin kuptimin “O i marri ynë!”. Ata e shtrembëronin qëllimisht me gjuhët e tyre, duke dëshiruar kështu të mallkonin Profetin صلى الله عليه وسلم dhe të fyenin fenë. Sikur ata të thoshin “Ne e dëgjuam fjalën tënde dhe i bindemi urdhrit tënd” në vend të: “Dëgjuam fjalën tënde, por e kundërshtojmë urdhrin tënd!” apo sikur të thoshin “Dëgjo” në vend të: “Dëgjo, mos dëgjofsh!”, apo sikur të thoshin “Undhurna - Na shiko, që të kuptojmë atë që po thua!” në vend të “Raina”, do të kishte qenë më e dobishme për ta, sesa ajo që ata thanë në fillim dhe më e matur se ajo, për shkak se do të ishte sjellje e mirë me Profetin صلى الله عليه وسلم. Por ata i mallkoi Allahu, duke i përjashtuar prej Mëshirës së Vet, për shkak të mosbesimit të tyre, prandaj edhe nuk besojnë në atë mënyrë që do tu bënte dobi.