Surja El-Bekare 2:229 البقرة

Shkurorëzimi, pas të cilit bashkëshorti mund ta rikthejë bashkëshorten e tij, mund të bëhet dy herë: e ndan e pastaj, e rimerr edhe një herë: e rindan dhe përsëri e rimerr. Pas këtyre dy shkurorëzimeve, ai duhet ose ta mbajë atë nën kujdesin e vet, duke bashkëjetuar me të në harmoni, ose ta ndajë për të tretën herë, me mirësjellje dhe duke i dhënë të drejtat që i takojnë. Pastaj juve, o bashkëshortë, nuk ju lejohet që të merrni më asgjë nga ajo që u keni dhënë një herë ish-bashkëshorteve si mehër, përveç nëse gruaja e urren burrin e saj, për shkak të moralit të tij të keq apo fizionomisë së tij të shëmtuar, dhe kur të dy bashkëshortët e dinë se për shkak të kësaj urrejtjeje ata nuk mund t’u përmbahen dot të drejtave të ndërsjella që kanë ndaj njëri-tjetrit, atëher çështjen e tyre duhet t’ia parashtrojnë dikujt që ka lidhje farefisnore ose njohje me ta. Nëse ndodh që ata, që i kanë nën kujdes gjykojnë se ata të dy nuk do të mund t’ia sigurojnë përsëri të drejtën bashkëshortore njëri-tjetrit, atëherë nuk bëjnë ndonjë gjynah nëse vetë gruaja heq dorë nga e drejta e saj për të marrë pasurinë, duke ia lënë atë bashkëshortit të saj, në mënyrë që ta ndajë atë. Këto gjykime fetare ndajnë hallallin nga harami. Prandaj mos i shkelni ato! E kush i shkel kufijtë e Allahut, është keqbërës ndaj vetes së vet, duke kërkuar ndëshkimin në vend të shpëtimit.